Kemal Ademi pak javë më parë zgjodhi të luajë përfundimisht me Kombëtaren e Zvicrës, edhe pse kishte pasur bisedime që t’i bashkohet asaj të Kosovës. Zgjedhja e tij bëri bujë në të dy vendet.

Pas këtij refuzimi tek Kosova vijnë dy lajmë të mira ku sulmuesi i Lausannes, Andi Zeqiri dhe super-futbollisti i talentuar i Baselit, Orges Bunjaku kanë vendosur që të përfaqësojnë vendin e tyre të origjinës.

Lajmi për Gazeta ‘OLLE’ është konfirmuar edhe nga ndihmës-trajneri i Kosovës, Muharrem Sahiti.

Ky i fundit tha se Bunjaku tashmë ka vendosur që të luajë për Kosovën, por që duhet pritur deri në përfundim të rregullimit të dokumentacioneve për t’u bërë e gjitha zyrtare.

“Orges Bunjaku i ka thënë ‘Po’ Kosovës. Por, deri në momentin kur të shohim me dokumentacion por edhe të paraqitet në fanellën e Kosovës, atëherë mund të themi që përfundimisht është i yni, pasi kemi rastin me Kemal Ademin i cili në momente të fundit zgjodhi Zvicrën.”, tha fillimisht Sahiti.

“E gjitha kjo pasi ndonjëherë jo për kundër dëshirës së lojtarëve ose tonën, por po ndodhin disa gjëra edhe sikur po ndryshojnë mendjen. Gjithsesi, Orgesi i ka thënë ‘PO’ Kosovës”, përfundoj krahu i djathtë i Bernard Challendesit, Muharrem Sahiti.

19 vjeçari Bunjaku këtë vit ka debutuar në skuadrën e parë të Baselit, duke luajtur edhe një ndeshje në Ligën e Evropës.

Bunjaku luan si mesfushor qendre. Në të kaluarën ai ka luajtur për grup moshat e Zvicrës, dhe shihet si një futbollist me të ardhme të madhe. Diaspora Shqiptare.al