E gjendur përballë fuksit të madh të të infektuarve me COVID 19 në spitale, Italia ka nisur me gjurmimin e rasteve në bazë duke insistuar te parandalimi.

Prej 10 ditësh mjekët e familjes kanë nisur trajtimin e pacientëve me suimptoma të lehta në kushtet e karantinës.

Romina Selenica, mjeke familje në Itali në një lidhje me skype për Ora News thotë se kjo qasje e re pritet të ulë fluksin në spitale.

Selenica: Në Itali është shumë i rëndësishëm. Sistemi funksionon si piramidë. Ne jemi të parët që i njohim pacientët me siptomatologji të lehtë apo të rëndë dhe jemi ne që i drejtojmë drejt strukturave përkatëse. Kemi 10 ditë që kemi nisur tajtimin e pacientëve me simpoma të lehta. Mjekët duhet të fillojnë trajtim fillestat kur pacienti ka simptoma të lehta për të mos pasur agravim. Kjo ndodh te moshat e reja, moshat e vjetra apo që kanë sëmundje kronike agravimi është i menjëhershëm dhe duhen transportuar te strukturat përkatëse. Ne njohim pacientët, dimë sëmundjet kronike. Kjo ul fuksin në urgjenca dhe terapi intensive.

Sikundër dhe në Shqipëri, edhe në Itali ka mungesa të materialeve mbrojtëse për mjekët.

Selenica tregon se nga 61 mjekë që kanë humbur jetën, rreth 40 janë mjekë të familjes.

Selenica: Ata shkonin në shtëpinë e pacientit, pa maskë mbrojtë dhe doreza. Edhe këtu ishim të papërgatitur. Unë kam humbur një kolegun tim.

Që prej fillimit të pandemisë në Itali janë infektuar 105 792 qytetarë, nga të cilët 12 428 kanë humbur jetën dhe 15 729 janë shëruar.

Burimi origjinal, këtu ;