Në një hapësirë virtuale, mjekë shqiptarë që jetojnë dhe punojnë jashtë vendit, do të jenë një mbështetje për popullatën në këto ditë të vështira duke ofruar konsulta, këshilla, rekomandime apo informacione nëpërmjet platformës online “Milano për Shqipërinë”.
Situata e krijuar nga koronavirus në botë ka treguar që ndonëse largësia fizike shpesh na ka ndarë, shqiptarët kanë ditur gjithnjë të jenë pranë njëri tjetrit në kohë të veshtira.
Pas dërgimit të 30 mjekëve e infermierëve në Itali nga ana e Shqipërisë, të cilët do të ndihmojnë sadopak kolegët e shtetit fqinj në luftën kundër koronavirus, kësaj here do të jenë mjekët shqiptarë që jetojnë dhe punojnë atje, të cilët do t’i dedikojnë hapësirën, dijen, përvojën e tyre atje shqiptarëve.
Në një hapësirë virtuale, mjekë shqiptarë që jetojnë dhe punojnë jashtë vendit, do të jenë një mbështetje për popullatën në këto ditë të vështira duke ofruar konsulta, këshilla, rekomandime apo informacione nëpërmjet “Milano për Shqipërinë”.
“Milano për Shqipërinë” është një iniciativë online e ideuar nga një grup miqsh në Milano se bashku me një spital atje. Ky spital virtual synon të jetë një mbështetje shtesë për popullaten dhe të jetë ndihmë edhe e mjekëve në Shqipëri duke ofruar asistencen dhe përvojën e vazhdueshme milanese.
Ky projekt i inspiruar nga Dr. Altin Palloshi është përqafuar edhe nga mjekë të tjerë të cilët japin kontributin e tyre jo vetëm në Itali, por edhe në vende të tjera të Evropës.
Burimi origjinal, këtu:
