Në Stockholm u zhvillua edicioni i 20-të i festivalit ndërkombëtar “Vallet bashkojnë”, një ngjarje kulturore që mblodhi rreth 360 valltarë nga vende të ndryshme të Ballkanit, duke sjellë në skenë tradita të pasura folklorike dhe shpirtin e gjallë të kulturave të rajonit.
Shqipëria u përfaqësua me dinjitet dhe krenari nga grupet artistike “Albulena” dhe “Kënga Labe”, të cilat veprojnë në Stokholm dhe mbajnë gjallë trashëgiminë kombëtare në diasporë. Performancat e tyre u pritën me entuziazëm nga publiku, duke përcjellë ritmet, ngjyrat dhe emocionet e folklorit shqiptar.
Në skenë nuk munguan elementë të rëndësishëm të trashëgimisë sonë shpirtërore, si Iso-polifonia shqiptare, e njohur nga UNESCO si pasuri botërore, e cila përfaqëson një nga format më autentike të këngës tradicionale shqiptare. Gjithashtu, u interpretuan valle karakteristike si “Kërcimi i Tropojës”, që mishëron energjinë dhe forcën e traditës veriore shqiptare.
Festivali shërbeu jo vetëm si një platformë artistike, por edhe si një urë lidhëse mes kulturave, duke promovuar mirëkuptimin dhe bashkëpunimin ndërmjet popujve të Ballkanit. Pjesëmarrja shqiptare në këtë aktivitet dëshmoi edhe një herë rëndësinë e ruajtjes dhe promovimit të identitetit kulturor në diasporë.
Ky edicion jubilar i festivalit “Vallet bashkojnë” konfirmoi se arti dhe tradita mbeten një gjuhë universale që bashkon njerëzit përtej kufijve.

Materialet e publikuara nga “Diaspora Shqiptare” janë të mbrojtura nga të drejtat e autorit. Rishpërndarja, riprodhimi, modifikimi apo përdorimi i tyre, i pjesshëm ose i plotë, pa lejen e shprehur të redaksisë, është i ndaluar dhe shkel ligjet mbi të drejtat e pronës intelektuale.
Në Stockholm u zhvillua edicioni i 20-të i festivalit ndërkombëtar “Vallet bashkojnë”, një ngjarje kulturore që mblodhi rreth 360 valltarë nga vende të ndryshme të Ballkanit, duke sjellë në skenë tradita të pasura folklorike dhe shpirtin e gjallë të kulturave të rajonit.
Shqipëria u përfaqësua me dinjitet dhe krenari nga grupet artistike “Albulena” dhe “Kënga Labe”, të cilat veprojnë në Stokholm dhe mbajnë gjallë trashëgiminë kombëtare në diasporë. Performancat e tyre u pritën me entuziazëm nga publiku, duke përcjellë ritmet, ngjyrat dhe emocionet e folklorit shqiptar.
Në skenë nuk munguan elementë të rëndësishëm të trashëgimisë sonë shpirtërore, si Iso-polifonia shqiptare, e njohur nga UNESCO si pasuri botërore, e cila përfaqëson një nga format më autentike të këngës tradicionale shqiptare. Gjithashtu, u interpretuan valle karakteristike si “Kërcimi i Tropojës”, që mishëron energjinë dhe forcën e traditës veriore shqiptare.
Festivali shërbeu jo vetëm si një platformë artistike, por edhe si një urë lidhëse mes kulturave, duke promovuar mirëkuptimin dhe bashkëpunimin ndërmjet popujve të Ballkanit. Pjesëmarrja shqiptare në këtë aktivitet dëshmoi edhe një herë rëndësinë e ruajtjes dhe promovimit të identitetit kulturor në diasporë.
Ky edicion jubilar i festivalit “Vallet bashkojnë” konfirmoi se arti dhe tradita mbeten një gjuhë universale që bashkon njerëzit përtej kufijve.
