Ekipi kanadez “Forge FC” njoftoi javën e kaluar nënshkrimin e kontratës me mbrojtësin shqiptar Rezart Rama. Ndërsa debutimi i tij në ligën kanadeze me ekipin e ri do të jetë këtë të shtunë më 4 qershor në ora 19:00 (7:00 PM) në Tim Hortons Field.
Rama, 21 vjeç, i ka kaluar tre sezonet e fundit me klubin anglez “Nottingham Forest FC” (2019-22), ndërsa së fundmi ka luajtur me ekipin U23 të klubit të Premier League 2, duke regjistruar 15 paraqitje dhe një asistim në sezonin 2021-22.
I lindur nga prindër shqiptarë, Rama u rrit në Pire, Greqi, ku kaloi gjithashtu nëntë vjet duke u zhvilluar përmes sistemit të të rinjve të klubit grek Olympiacos Piraeus (2010-19).
“Ne jemi shumë të lumtur që Rezart i bashkohet klubit tonë,” tha Costa Smyrniotis, Drejtor i Futbollit të Forge FC. “Sfondi i tij dhe përvojat cilësore të fituara tashmë në moshë të re në Angli dhe Greqi do t’i përshtaten mjaft mirë brenda skuadrës sonë këtu në Hamilton.”
Mbrojtësi 6-1 është një shtetas i dyfishtë i Shqipërisë dhe Greqisë që ka përfaqësuar dhe drejtuar Shqipërinë ndërkombëtarisht në nivel të të rinjve (skuadrat U17 & U19).
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
