Filantropi dhe biznesmeni i njohur Lazim Destani, edhe në këtë vit të ri, nuk ka lënë në harresë njerëzit në nevojë. Konkretisht në vendlindjen e tij, Bozovcë, Maqedonia e Veriut, sot janë parë automjetet e Klubit të Futbollit “Shkëndija”, president i të cilit është Z.Destani, teksa shpërndanin ndihma në ushqime për familjet në nevojë. Situata jo e mirë ekonomike e zonës, e ndikuar dhe nga papunësia e shkaktuar dhe nga pandemia, ka bërë që Destani të mos e kalojë natën e ndërrimit të viteve pa dërguar ndihma në ushqime për banorët e asaj zone. Por, përveç ushqimeve të shumta, nuk kanë munguar as dhuratat për fëmijët e nxënësit e shkollave.

Lajmin e ka bërë të ditur mësuesi  Neshat Mehmeti, i cili në profilin e tij në Facebook ka shpërndarë edhe fotografitë.

“EDHE KËTË FUND VITI SOFRA PLOTË

Si gjithmonë Lazim Destani, humanist i përmasave kombëtare dhe biznesmen i përmasave ndërkombëtare, nuk e harron vendlindjen dhe bashkëkatundarët e Bozovcës. Duke pasur parasysh papunësinë, pandeminë e virusit COVID – 19 – të, në fund të këtij viti, në prag të ndërrimit të motmoteve dhuroi ndihma të konsiderueshme ushqimore për të gjithë familjet që jetojnë në Bozovcë: Miell, vaj, sheqer, faks, e gjëra të tjera ushqimore, dhe dhurata për nxënësit e shkollës dhe për të gjithë fëmijët e katundit.

Këto s’janë ndihmat e para, por të radhës brenda vitit e dekadavae!

Familjes Destani dhe z. Lazim Destani i urojmë jetë të gjatë, të shëndetshme, të lumtur dhe suksese më të mëdha!

ZOTI I BEKOFTË!/ Alert/

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.