Prej ditës së djeshme krahina e rëndësishme e Kanadasë, Quebec-u ka vendosur t’i mbyll shkollat, baret dhe palestrat sportive. Puna online, e cila është rekomanduar që nga fillimi i pandemisë COVID-19, me masat e reja po bëhet e detyrueshme.
“Situata është kritike. Shpërthimi i rasteve është i padurueshëm”- tha Ministri i Shëndetësisë Christian Dubé në një konferencë për shtyp. “Sistemi ynë shëndetësor është tashmë në krizë”- citohet ai nga agjencia e lajmeve The Canadian Press.
Restorantet do të funksionojnë me gjysmën e kapacitetit, dhe mund të qëndrojnë të hapura midis orës 5:00 deri në 22:00.
Lojërat sportive, amatore apo profesionale, do të zhvillohen pa spektatorë.
Shkollat po mbyllen gjithashtu për një rikthim të planifikuar në datën 10 janar 2022. Çdo mësim në javën e parë të janarit do të mbahet online. Megjithatë, shkollat e ciklit të ulët mbesin në funksion deri në festat e Krishtlindjeve pasi shpërndarja e testeve të shpejta dhe vaksinimi i fëmijëve nga mosha 5 deri në 11 vjeç po vazhdon.
Siç raportoi CBC, Quebec-u raportoi një rekord 4,571 raste të reja të COVID-19 të hënën, duke i lënë zyrtarët shëndetësorë të shqetësuar. Ata paralajmërojnë se
do të shqyrtojnë parashikimet e reja të modelimit, të cilat mund të çojnë në kufizime të mëtejshme nëse numri i të infektuarve rritet kaq shpejt sikur në dhjetë ditët e fundit.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.