Pas suksesit të shfaqjeve në muajin tetor rikthehet sërish në skenën greke shfaqja “Vendi ku nuk vdes kurrë”. Pjesa në dy gjuhë (shqip dhe greqisht) me autorësi të shkrimtares shqiptare Ornela Vorpsi, vënë në skenë nga Enke Fezollari.

Shfaqja kësaj here udhëton drejt Patras ku më datë 21 dhjetor do të jetë në teatrin “Orofos”.

“Do të udhëtojmë së bashku në vitet e diktaturës, here me humor dhe herë me dhembje. Marrim dhe japim mesazhe të fuqishme dhe aktuale për kohën dhe në veçanti për gruan. Ju mirëpresim” shkruan në faqen e saj në facebook protagonistja aktorja e njohur shqiptare në Greqi, Vefi Rrethi e cila ka njoftuar dhe rikthimin e shfaqjes në skenë.

Pas Patrës shfaqja do të jetë sërish në teatrin “Stathmos” në Athinë çdo të mërkurë dhe të Enjte deri në datën 6 janar 2022.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.