Ka qene një muaj i ngjeshur me aktivitete muaji nëntor në Greqi. ku për të nderuar kulturën dhe traditën shqiptare ambasada shqiptare në Athinë ka realizuar një cikël aktivitetesh të ndryshme sociale, artistike dhe kulturore. Ky muaj i cilësuar si “𝐍𝐞̈𝐧𝐭𝐨𝐫𝐢 𝐒𝐡𝐪𝐢𝐩𝐭𝐚𝐫” mbylli siparin e tij, me një ekspozitë me punime artizanale.

Gra të komunitetit shqiptar nga qytete të ndryshme të Greqisë, prezantuan në ambientet e Ambasadës punimet me dorë të realizuara me shumë mjeshtëri dhe artistikisht. Me qëllim ruajtjen brez pas brezi të vlerave e traditës, ekspozita tregoi edhe njëherë rolin e madh të gruas shqiptare.

“Ky është vetëm fillimi i bashkëpunimit ndërmjet ambasadës dhe grave artizane të komunitetit. Krenarë për përkushtimin dhe pasionin tuaj duarartat shqiptare”, shkruhet në faqen facebook të ambasadës.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.