Sot Ambasada e Shqipërisë në Gjermani ka shpërndarë librat me rastin e rihapjes së mësimit plotësues të gjuhës shqipe në Berlin. Ambasada shpreh mbështetjen e saj të plotë për zgjerimin e mëtejshëm të klasave të mësimit të gjuhës shqipe.
Rifillimi i mesimit u bë i mundur nga përpjekja e përbashkët dhe koordinimi i punës mes Ambasadës së Shqipërisë, Institutit Sami Frashëri në Berlin me drejtues z.Gazmend Rushiti dhe ambasadës së Kosovës.
“Mirënjohje gjithashtu z. Olaf Wiehle, president i Europäisches Kultur-und Sozialwerk e.V. për angazhimin e tij në rihapjen e mësimit.
Mirënjohje dhe falenderime të veçanta nga ambasada për mësuesen znj. Ilirjana Ispahi e cila mori përsipër të japë mësim vullnetarisht në këtë fazë fillestare” thuhet në njoftimin e ambasadës.
Ambasada i fton të gjithë bashkëkombasit shqiptarë që jetojnë në Berlin të regjistrojnë fëmijët e tyre në kurset e gjuhës shqipe duke kontaktuar direkt mësuesen znj. Ispahi në adresën e-mailit : [email protected]
Për çdo pyetje në lidhje me planet dhe angazhimin e ambasadës së Shqiperisë në Gjermani, për konsolidimin dhe zgjerimin e mëtejshëm të mësimit të gjuhës shqipe në Berlin dhe lande të tjera, jeni të mirëpritur të na kontaktoni në çdo kohë.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
