Shoqata e Mësuesve Shqiptarë “Naim Frashëri” në Vjenë në bashkëpunim me shoqata e shkolla organizoi mbrëmjen me temë: “Orë letrare me nxënës dhe mësues për nder të 28 nëntorit-Ditës së Flamurit”.

Në këtë aktivitet moën pjesë mësuesit e Shoqatës “Naim Frashëri”, prindër dhe nxënës që ndjekin mësimin e gjuhës shqipe në Austri, si në sistemin e shkollave shtetërore, ashtu edhe jashtë tij. Pas përshëndetjeve të rastit nga ambasadori i Republikës së Shqipërisë në Austri, z. Roland Bimo, si mikpritës i aktivitetitit dhe kryetares së shoqatës “Naim Frashëri”, znj. Miradije Berisha, pjesëmarrrësit në këtë aktivitet ndoqën me interes dhe kënaqësi recitimet e nxënësve të drejtur nga mësuesit: Antigone Elshani, Ina Arapi, Miradije Berisha, Ibrahim Hasani, Osman Ademi.

Ambasadori Bimo falënderoi mësuesit për përkushtimin e tyre të veçantë, si dhe aftësinë për të sjellë gjithnjë e më shumë pranë fëmijëve vizionin e përbashkët për dobinë e gjuhës shqipe, jo vetëm për të ruajtur traditën, por edhe në shërbim të së ardhmes për fëmijët shqiptarë në diasporë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.