Mbrojtësi shqiptar, Shkodran Mustafi ka gjetur golin e parë me fanellën e Leventes në La Liga.
Levante është duke e zhvilluar në udhëtim ndeshjen ndaj Real Betisit në kuadër të javës së 15-të në kampionatin elitar spanjoll.
Mysafirët arritën shpejt ta gjejnë golin duke shënuar pas vetëm shtatë minutave për epërsinë 0-1.
Goli i Levantes u shënua nga mbrojtësi shqiptar, Shkodran Mustafi, i cili në verë erdhi si lojtar i lirë.
Ky gol i shënuar me kokë nga Mustafi, u asistua nga një tjetër futbollist shqiptar, Enis Bardhi.
Për Mustafin ky ishte goli i parë këtë sezon me Levanten, ndërsa i shtati në La Liga, pasi 6 kishte shënuar me Valencian.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.