Për shkak të shtrëngimit të masave në Austri, Këshilli Koordinues i Shoqatave Shqiptare në Austri është i detyruar të pezulloj të gjitha aktivitetet e programuar në kuadër të “Javëve të Kulturës Shqiptare në Austri”.

Ky aktivitet i kthyer tashmë në traditë në Austri, i cili zgjat rreth katër muaj nuk do të mund të zhvillohet. Me moton e përhershme “Bukë, kripë e zemër”, “Javët e Kulturës”, ishin menduar për të qenë më parën publikut shqiptar, austriak dhe miqve tjerë ndërkombëtarë për të treguar traditën, bujarinë, mikpritjen dhe zemërgjerësinë e shqiptarëve.

“Të dashur bashkatdhetarë,

Për shkak të masave të reja të vendosura nga qeveria austriake dhe ballafaqimit të vështirë me Covid -19, Këshilli Koordinues i Shoqatave Shqiptare në Austri është i detyruar të pezulloj të gjitha aktivitetet e “Javëve të Kulturës Shqiptare në Austri“.

Për fatin e keq tuajin dhe tonin, për vetëm pak ditë, nuk arritëm ta shijojmë koncertin e shumëpritur me këngëtaren e njohur shqiptare Elina Dunin, e cila ishte planifikuar të mbahet për festën e Ditës së Flamurit.

Ju falënderojmë pamasë që, edhe pse në kushte pandemie, gjetët kohë që të jeni bashkë me ne në gjitha aktivitetet që kemi organizuar.

Urojmë dhe shpresojmë që sa më shpejt të kalojmë këtë situatë të vështirë të pandemisë.

Mezi presim t’ju informojmë për aktivitetet e reja të Këshillit Koordinues!

Deri atëherë, ju urojmë shëndet dhe gjitha të mirat në jetën dhe familjet tuaja!

Sinqerisht,

Këshilli Koordinues”, shkruhet në njoftimin në Facebook.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.