Gazment Kapllani autor i disa librave ka ardhur në Tiranë nga SHBA për panairin e librit. I ftuar në emisionin “Log.” në Abc ne Endri Xhafon ai ka folur për rrugëtimin e tij si shkrimtar, i nisur nga Shqipëria, në Greqi e tashmë në SHBA. Librat e tij ai thotë se kanë publik të gjerë edhe në Greqi.

“Unë kam filluar duke shkruar poezi në shqip, mandej në Greqi, kam botuar 2 vëllime në shqip, mandej pasi u bëra i njohur si gazetar dhe fitova një publik shumë të rëndësishëm vendosa që të provoja dorën time që të shkruaja romane dhe nga poet të bëhesha prozator. Nëse jeton në një vend nëse do të bëhesh i njohur si shkrimtar duhet të shkruash në gjuhën e tij.

Ne hyjmë në ato gjuhë problematike që janë gjuhë të vogla edhe greqishtja është gjuhë e vogël nuk përkthehet, pra shumë janë gjuhë periferish. Greqishtja është një gjuhë e vogël por unë jetoja në Greqi dhe shkruaja në shtypin grek. Kur më pyesin çfarë je unë them jam një shkrimtar shqiptar poliglot. Identiteti im i parë është ai shqiptar sepse jetoj në Amerikë tashmë prej 10 vitesh. Mund ta përcaktoj veten si shkrimtar shqiptar amerikan, jam shkrimtar poliglot.

Unë me Greqinë me një pjesë të madhe të artistëve si kam humbur asnjëherë marrëdhëniet. Gjithmonë marrëdhëniet njerëzore  janë ndryshe. Librat e mi në Greqi kanë një publik të konsiderueshëm, më gëzon jashtëzakonisht”, shtoi ai.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.