“Shija e Romës” është restoranti i hapur së fundmi në Celina, SHBA. Pronarët e tij janë dy shqiptarë, 23-vjeçari Toni Mehmedi dhe këngëtari Sinan Vllasaliu.

Fillimisht Toni Mehmedi ka punuar në restorantet në pronësi të babait të tij në Cikago, e cili emigroi nga Shqipëria vite më parë. Kur ishte 19 vjeç Toni hapi kafenenë e tij në Teksas “Frisco Star” në vitin 2016.

“Biznesi po lulëzon këtu,” thotë Mehmedi për vendosjen për t’u transferuar në Teksas. “Ne thjesht donim të largoheshim nga i ftohti. Erdhëm për të vizituar dhe zona është më e bukur, njerëzit janë më të këndshëm.”

“Frisco Star Café” u bë shpejt një vend i njohur për mëngjes dhe drekë, përfshirë lojtarët e Dallas Cowboys.

Një vit më vonë, Mehmedi hapi “Celina Star Café” me mikun e vjetër të familjes Sinan Vllasaliu, një këngëtar i njohur shqiptar. Mehmedi shiti biznesin e tij Frisco në 2018 dhe është sërish partner me Vllasaliun hapi biznesin për “Shija e Romës” që do të nis punën në mes të dhjetorit 2021.

“I thashë Vllasaliut se duhet t’i mbjellim rrënjët këtu në Celinë,” thotë Mehmedi. “Po lulëzon, parashikohet të jetë qyteti më i madh në Colin.”

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.