Gjatë qëndrimit tim me eikipin e “prointegrës” në Shën Mitër ( San DemetrioCorone), përcolla edhe aktivitetin me rastin e prezantimit të librit, “Mes shqiptarëve të Italisë” të Eqerem Çabejt, ku në mesin e të pranishmëve ishte edhe e bija e autorit, Brikena Çabej.- Eqrem Çabej u mor me botën e Arbëreshëve të Italisë që nga fillimi i studimeve, duke trajtuar temën në tezën e tij të doktoratës.- Me këtë rast po sjelli fotot që shkrepa në këtë promovim si dhe një foto të huazuar gjatë studimit të gjuhëtarit tonë të njohur në mesin e arbëreshëve.
Në Shën Mitër, njërin ndër katundet më me famë arbëreshe për shkak të peshës, historike, kulturore e arsimore, jo vetëm për arbëreshët e Italisë, më 24 tetor, në organizim të Federatës së Shoqatave Arbëreshe u bë prezantimi i librin të përkthyer në italisht “Tra gli albanesi dÍtalia” (Mes shqiptarëve të Italisë), një libër ky nga Eqrem Çabej me studime dhe kërkime rreth arbëreshëve, botuar nga Shtëpia Botuese Besa-Muci.
Siç mësuam me këtë rast, libri në shqip u botua qysh në vitin 1987 me një parathënie nga prof. Mahir Domi, në mënyrë që vitin 2014, me rastin e 200-vjetorit të lindjes së Jeronim De Radës, të përjetojë edhe një ribotim i reduktuar nga shtëpia botuese Botime Çabej, e cila në 2017 ribotoi një botim të tretë të përditësuar.Ernesto Madeo , Francesko
Kështu që të dielën u prezantua edicioni i katërt në italisht, që gjithashtu përfshin artikullin “Mes shqiptarëve të Italisë”, përshtypje dhe ndjesi, shkruar me rastin e vizitës së tij midis “shqiptarëve” të Kozencës në 1977 gjatë Javës së Parë të Kulturës Shqiptare, ideuar dhe organizuar, ndër të tjera, nga papat e ndjerë Giuseppe Faraco. Artikulli nuk është një lajm i thjesht udhëtimi, por nxjerr në pah mendimin e gjuhëtarit të shquar shqiptar mbi vendbanimet shqiptare përmes një analize akute ndërdisiplinore.
Në prezantimin e librit që u mbajt në Shën Mitër ( it.San Demetrio Corone), në Sallën e Konferencave të Villa Marchianò ishin të pranishëm edhe kryebashkiaku Ernesto Madeo. Rreth tekstit të librit dhe përmbajtjes së tij me këtë rast folën Damiano Guagliardi dhe Francesco Marchiano.
Siç është thënë gjatë promovimeve të mëparshme të këtij libri në Shqipëri: “ Eqrem Çabej u mor me botën e Arbëreshëve të Italisë që nga fillimi i studimeve, duke trajtuar temën në tezën e tij të doktoratës me titull “Italo-Albanische Studien” (Studime Italo-Shqiptare), diskutuar në Universitetin e Vjenës më 1932.
“Duke shkuar në Piana degli Albanesi (Hora e Arbëreshëve), afër Palermos, për kërkimet e tij të doktoratës, i riu Çabej ra në kontakt me këtë botë unike dhe magjepsëse dhe mblodhi prova të drejtpërdrejta mbi gjuhën dhe kulturën e Arbëreshë”, u tha me rastin e një promovimi të mëparshëm të këtij libri.
Ky promovim libri ishte rast i mirë që ti këmbejmë librat me zonjën Brikena Çabej.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
