Organizata “Integra Onlus” dhe fondacioni “Brigde for Future” janë antarët më të rinj të Dhomës së Biznesit të Diasporës Shqiptare. Ditën e sotme drejtuesja znj. Klodiana Cuka ka zyrtrarizuar antarësimin pranë dhomës.

“Integra Onlus” e themeluar në Leçe, Itali në vitin 2003 me vullnetin e Presidentes aktuale Dr. Klodiana Cuka dhe nga kontributi i një grupi njerëzish me etni dhe kombësi të ndryshme me një dnjeshmëri të mahe ndahj problematikave te emigrimit. Kjo është një shqoeri që garanton një integrim efektiv dhe bashkëpunim me popujve të ndryshëm dhe që njeh emigrantin si një vlerë të shtuar në shoqëri, si një agjent zhvillimi dhe pikë lidhje midis shoqërisë ku jeton dhe vendit të origjinës.

Si një shoqatë  me fokus promovimin dhe mbështetjen sociale është e regjistruar në Regjistrin Rajonal të Lombardisë, dhe operon në fushën e politikave migratore, integrimit dhe promovimit të kulturave të popujve, duke përdorur profesionistë italianë dhe migrantë shumë të kualifikuar dhe shumëdisiplinorë, të aftë për t’i dhënë përgjigje të rëndësishme dhe specifike çështjeve socio-kulturore, problemet e kohës sonë.

Fondacionit “The Bridge For Future”, i formuar në Shqipëri është një strukturë që dëshiron të kontribuojë në përballimin e problemeve të varfërisë së personave e familjeve edhe në çelësin edukativ për të tejkaluar emergjenca si ajo e jetimëve të braktisur e grave të privuara nga liria (si ato në burgun e Tiranës), në të njëjtën linjë veprimi me ipeshkvitë italiane e shqiptare.

Strategji e qartë, së cilës i është dhënë shtytje e mbështetje e re me adoptimin nga Integra të zonës së gjelbër të Sheshit Shqipëria – në marrëveshje me Komunën e Romës – ku ngrihet statuja e Gjergj Kastriot Skënderbeut, “Atlet i Krishtit” dhe flamurmbajtës i krishtërimit në Ballkan, të cilin Integra e përkujtoi në përvjetorin e tij të 550-të.

Të shumta aktet konkrete të fondacionit “The Bridge For Future”, në mbështetje të nismave kulturore si: ekspozita “IntegrIm”; mbështetja ndaj filmave “Anija” të R. Sejkos e “Të Thyer” e E.Budinës; fushata humanitare “Fëmijë në fluturim për një buzëqeshje” në favor të edukimit të të miturve shqiptarë (lançuar në 2006 e replikuar në 2018 me Arqipeshkvinë e Shkodrës e Pultit); botimi i vëllimit “Anija e Skënderbeut” (në kuadrin e projektit Interreg III A Itali – Shqipëri); celebrimi i përvjetshëm i Shenjtërimit të Nënë Terezës së Kalkutës, figurë shëmbullore për të forcuar lidhjet e vëllazërisë e solidaritetit njerëzor.

Së fundmi Shoqata është angazhuar, edhe përmes një partneriteti, me Komitetin Ndërministerial të Të Drejtave Të Njeriut (CIDU), revistën “Confronti” dhe Kishën Katolike Shqiptare përmes lidhjeve me Imzot Angelo Massafra. Gjithashtu është mbështetur Shkolla “CorJesu” në Shqipëri dhe zhvilluar takime diplomatike me Ministrin Shqiptar të Diasporës Pandeli Majko dhe Ambasadoren shqiptare Anila Bitri për të promovuar më tepër dialogun ndërfetar, duke ndërtuar “Ura e jo Mure” mes dy krahëve të Adriatikut. Në këtë det kanë ndodhur tragjedi emigracioni (si mbytja e anijes “Katri I Radës” në 1997-n), që çdo vit përkujtohen me nisma e projekte, përfaqësuar simbolikisht nga lulet hedhur në kujtim të tyre, të cilat duhet të lulëzojnë përsëri për t’u mundësuar të gjithëve një të ardhme paqeje, progresi e bashkëjetese mes vendeve, popujve e feve të ndryshme, bashkuar të gjithë nga përkatësia e njëjtë në qytetërimin evropian.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.