Pandemia e COVID “do të vazhdojë për një vit më shumë se sa duhet”, sepse vendet më të varfra nuk po marrin vaksinat që u nevojiten, thotë Organizata Botërore e Shëndetësisë (OBSH).

Udhëheqës i lartë në OBSH, Bruce Aylward tha se kjo do të thoshte që kriza e COVID ” duket se do të zgjasë deri në 2022. Kjo pandemi do të vazhdojë për një vit më shumë sesa duhet”.

Më pak se 5% e popullsisë së Afrikës janë vaksinuar, krahasuar me 40% në shumicën e kontinenteve të tjera. Aylward u bëri thirrje vendeve të pasura që të heqin dorë nga radhë për vaksinat në vendet e tyre në, në mënyrë që kompanitë farmaceutike të mund t’u japin përparësi vendeve të varfra.

Shumica dërrmuese e vaksinave kundër COVID janë dhënë në vendet me të ardhura të larta ose me të ardhura mesatare të larta. Afrika përbën vetëm 2.6% të dozave të administruara globalisht.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.