Piktori shqiptar, Foti Kllogjeri, i cili jeton dhe vepron në Selanik të Greqisë, përfaqëson Greqinë në ngjarjet e Shoqatës Ndërkombëtare të Akuarelistëve (IWS Globe) në të gjithë botën.

Këtë radhë, piktori i mirënjohur fitoi një nga 5 çmimet e Festivalit Ndërkombëtar “MiniWatercolor Kyiv”, që u zhvillua nga 10-22 shtator në Kiev të Ukrainës. Një eveniment ky i nivelit botëror ku morën pjesë qindra piktorë nga 75 shtete.

Ngjarja e radhës ishte në Budapest, ku akuarelisti shqiptar u ftua për të dhënë një Masterclass dhe për të marrë pjesë në ekspozitën ndërkombëtare BudapestinAcquarello.

Kjo ekspozita ndërkombëtare u organizua nga akuarelisti australiano-hungarez me famë ndërkombëtare Sandor Szikszai nën kujdesin e Festivalit Fabriano në Itali, dhe është një nga ekspozitat më të rëndësishme ndërkombëtare të zhanrit të Akuarelit.

Festivali filloi në 17 shtator me mjaft veprimtari ku kryesore ishte edhe “Masterclass” i Foti Kllogjerit, i cili mori urime dhe vlerësime jo vetëm nga publike, por tërhoqi vëmendjen e artistëve të tjerë pjesëmarrës. Ekspozita me vepra të 90 artistëve që udhëheqnin misionet e vendeve të tyre është e hapur akoma, dhe midis tyre edhe vepra e Foti Kllogjerit si është Përfaqsues i Akuarelistëve shqiptarë.

Piktori Foti Kllogjeri lindi në Shqipëri në vitin 1973. Ai studioi pikturë dhe arte të aplikuara në Universitetin e Arteve në Tiranë. Që nga viti 1996 ai jeton dhe punon në Selanik me gruan dhe dy vajzat e tij.

Akuarelisti i njohur ka hapur 6 ekspozita personale në Greqi, ndërsa ka marrë pjesë në më shumë se 50 ekspozita në të gjithë botën. Punimet janë tashmë prone e mjaft koleksioneve private. Foti Kllogjeri përfaqëson Greqinë në IWS (Shoqëria Ndërkombëtare e Akuarelit), gjithashtu është kryetar i Misionit të Arteve Pamore Shqiptare që merr pjesë në Simpoziumin Fabriano që nga viti 2017 e në vazhdim, Krahas veprimtarisë artistike,  Foti është zgjedhur Nënkryetar i Komunitetit Shqiptar të Selanikut, Nënkryetar i Shoqatës së Artistëve të Arteve Pamore të Greqisë së Veriut që nga viti 2019, gjithashtu bashkëpunon me ARC – Art Revisited Collective që nga maji 2018.

Punimet e tij dhe shumë informacione për artistin e rëndësishëm shqiptar do t’i gjeni në profilin e tij në platformën online ARTgrID: https: // artgrid. gr/foti-kllogjeri/

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.