“Duke filluar nga viti 2022, Faik Fetahi nga Partia Liberale e Zvicrës (FDP) do të marrë postin e kreut të arsimit në këshillin e komunës (ekzekutivi komunal) Altbüron,  në Kantonin e Lucernës”, shkruan e përditshmja, “Luzerner Zeitung”.

Përpara se të merrte këtë post Fetahi ishte anëtar i Komisionit të Arsimit për një vit e gjysmë.

Faik Fetahi, me origjinë nga Përlepnica e Gjilanit, është drejtor menaxhues i kompanisë për shtrim të dyshemeve “Fetaxid AG” në Altbüron. Kompani e themeluar nga babai i tij sipërmarrësi Fehmi Fetahi dhe nëna, Sara, të cilët janë edhe themelues dhe pronarë të resortit të njohur turistik “Vali Ranch”, në fshatin e lindjes të Fehmiut.

Faiku është 34 vjeç dhe baba i dy fëmijëve të moshës pesë dhe shtatë e gjysmë.

Në asambletë komunale në Zvicër tashmë ka një numër të konsiderueshëm politikanësh me rrënjë shqiptare, gjë që nuk mund të thuhet për postet në ekzekutivin e komunave. Kështu, në gjithë Zvicrën, Faik Fetahi është i dyti shqiptarozviceran i zgjedhur në një post të tillë. Para tij, pjesë e ekezekutivit në komunën, Baar të Kantonit të Zugut është prej disa vitesh, Zari Xhaferi.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.