Programi i ditës së sotme në Festivalin e Filmit Ballkanik që po mbahet në Romë i dedikohet kinematografisë së Kosovës.
Në prani të Ambasadores së Kosovës në Romë, Lendita Haxhitasim, regjisoret Antoneta Kastrati e More Raçe do të diskutojnë me gazetarin e kritikun Nicola Falcinella mbi produksionet e shumta, hovin e kinematografisë kosovare në të cilën gjen akoma gjurmë të dhimbshme të konflikteve e të luftës të një të shkuare jo të largët, por edhe problemet sociale e ekonomike që kanë fryrë radhët e diasporës e nxisin edhe sot emigracionin.
Më pas publiku do të mund të ndjekë tre nga veprat e fundit të kinematografisë kosovare më të vlerësuara në botë: filmin “Zana” të Antoneta Kastratit, “Galaktika e Andromedës” e More Raçës dhe “Nëntor i Ftohtë” i Ismet Sijarinës.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
