“Horizonte të mbyllura, ishulli i kinemasë së Realizmit Socialist në Shqipëri”, tema që do të trajtohet nga regjisori Roland Sejko në takimin online të 30 Shtatorit, në kuadrin kursit informativ të organizuar nga shoqata Occhio Blu
Vetëm pak para hapjes së edicionit të dytë të Festivalit Ballkanik të Filmit, që do të mbahet në Romë në Casa del Cinema nga 6 deri më 10 tetor 2021, mbërrin takimi i radhës i kursit mbi kinematografinë ballkanike “Ballkani dhe kinemaja: një udhëtim në katër takime” i organizuar nga shoqata “Occhio Blu Anna Cenerini Bova”. Qëllimi i kursit është t’i ofrojë publikut njohuri mbi prodhimtarinë kinematografike të Ballkant, nga e cila do të mund të “shijojnë” 12 vepra gjatë ditëve të Ballkan Film Festival.
Pas dy takimeve të para me ekspertin e kinematografisë ballkanike Nicola Falcinella mbi kinemanë në Jugosllavi, takimi i radhës, më 30 shtator në orën 17:30, do të përqëndrohet mbi kinemanë e realizmit socialist në Shqipëri.
Takimi – me titull “Horizonte të mbyllura, ishulli i kinemasë së Realizmit Socialist në Shqipëri” – do të mbahet nga regjisori Roland Sejko.
Kush dëshiron ta ndjekë – online e pa pagesë – mund të lidhet në Zoom (nga ora 17:15) në adresën https://bit.ly/3CJpgkY ose me faqen Facebook të shoqatës Occhio Blu.
Roland Sejko
I diplomuar në Tiranë, nga viti 1991 jeton në Romë. Në vitin 1999 ka themeluar e drejtuar për 15 vjet “Botën Shqiptare”, gazetën e shqiptarëve në Itali.
Prej shumë vitesh punon në Istituto Luce Cinecittà ku aktualisht është ku sot është drejtor editorial i Arkivit Historik Luce.
Ka shkruar dhe drejtuar dokumentarë që spikatin për ripërdorimin e materialit filmik arkivor.
Në vitin 2013 fitoi Çmimin David di Donatello me dokumentarin e tij “Anija / La nave”. Dokumentari i tij i fundit “Macchina delle Immagini di Alfredo C.” (“Makina e imazheve e Alfredo C.”) u prezantua në Festivalin e 78 -të Ndërkombëtar të Filmit në Venecia.
Ai është kurator artistik dhe autor i videoinstalacioneve të ekspozitave të shumta të Istituto Luce Cinecittà. Ai është një nga kuratorët e MIAC, Muzeut Italian të Kinemasë dhe Audiovizualit në Cinecittà.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
