Taip Ramadani ka një karrierë të shkëlqyer sportive. Shqiptari i lindur në Australi ishte në krye të Kombëtares Kosovës në Hendboll dhe tani është trajner i ekipit Australian.

Taip Ramadani tregon se si erdhi kjo ofertë nga ekipi Australian: “Ka qenë një emërim jo shumë i befasishëm, sepse kemi 2-3 muaj në bisedime me ekipin. Ata u intresuan nëse më intereson dhe pasi e mendova mirë, mendova të angazhohem me këtë detyrë të re. Për mua është ekip i zemrës sepse kam një eksperiencë të gjatë, edhe si lojtar në vitet ’90. Unë nis të merrem me këtë sport në vitin 1985 nëpërmjet një mikut tim që më mori me vete në stërvitje dhe në një kohë shumë të shkurtër u dashurova me këtë sport dhe e pash veten time në këtë drejtim, dhe në fakt ashtu ndodhi.”

Ramadani tregon se si e priti vite më parë ofertën në Kosovë: “Unë gjatë gjithë kohës kam qenë i informuar për rrjedhat e hendbollit në Kosovë dhe kam përcjellë sa kam mundur zhvillimin e tij. Pos angazhimit tim si lojtar në Kombëtaren e Kosovës në të kaluarën, kam qenë i interesuar të angazhohem edhe si trajner. Isha i lumtur dhe ndihem i respektuar dhe i privilegjuar që mu besua ai post”, tregon Ramadani.

Qëllimi i tij për momentin është të përgatisi ekipin për lojrat e ardhmshme olimpike./ Nga Majlinda Lulo, SBS Albanian Australi/

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.