Sipas të dhënave zyrtare të Ministrisë Italiane të Punës (përmbajtur në Raportin Vjetor 2020 mbi praninë e emigrantëve në vendin fqinj) në fillim të vitit të shkuar shqiptarët me leje të rregullt qendrimi në Itali ishin 416.703, të dytët në numra mes qytetarëve të vendeve jashtë Bashkimit Evropian. 68.8% kishin leje qendrimi afatgjatë. Shkalla e punësimit mes anëtarëve të kësaj bashkësie ishte 56.2%.

Por ka një qytet në Itali ku shqiptarët përbëjnë komunitetin më të madh të. Në Legnano të Italisë shqiptarët janë të parët si kombësi të huaja të pranishme në këtë zonë. Sipas statistikave të fundit të botuara janë rreth 1131 shqiptarë që jetojnë atje, të ndjekur pas nga rumunët, kinezët, pakistanezët dhe peruanët.

Popullsia rezidente atje u rrit me 652 persona në vitin 2020. Duke iu rikthyer statistikave, 425 bebe kanë lindur në Legano dhe 153 prej tyre kanë të paktën një prind të huaj.

Përsa i përket numrit të vdekjeve ato kanë shënuar rritje kjo dhe për shkak të pandemisë së COVID-19, ku 402 nga 1510 vdekje kanë ardhur për shkak të koronavirusit.

Por viti i pandemisë solli dhe rënie të martesave dhe po kështu dhe divorcet.

Legnano është një qytet italian në veriperëndim të Milanos dhe një nga qytetet më të populluara të Lombardisë. Kujtojmë që Lombardia është një nga zonat më të prekura nga koronavirusi.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.