Në kuadër të fillimit të vitit të ri shkollor 2021-2022, Ambasadorja, znj. Luela Hajdaraga, zhvilloi një takim prezantues në të cilin ishin të ftuar mësues vullnetarë nga 27 kurse të gjuhës shqipe në të gjithë Greqinë.

Në këtë takim u diskutua për mësimdhënien e gjuhës shqipe, si një nga detyrat më të rëndësishme, por njëkohësisht edhe më të bukurat të Ambasadës.

Znj. Hajdaraga, duke uruar një vit të mbarë dhe të suksesshëm, shprehu vullnetin dhe angazhimin e Ambasadës, për promovimin e vlerave dhe traditave tona në Greqi, kjo në bashkëpunim edhe me autoritetet dhe institucionet arsimore greke. Ajo e quajti mision fisnik punën vullnetare të mësuesve dhe informoi se në funksion të ruajtjes së gjuhës, janë shpërndarë 1728 libra shkollorë, ka mbërritur një kontigjent prej 712 librash dhe priten të vijnë edhe 1100 të tjerë.

Ambasadorja përcaktoi objektiv të punës së përbashkët, rritjen e numrit të nxënësve të mësimit të gjuhës shqipe. Për këtë duhet të punojmë më shumë, me komunitetin, shoqatat, familjet shqiptare, pasi kur punojmë të gjithë së bashku asgjë nuk është e pamundur.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.