Nisur nga ngjarjet e fundit në Shqipëri organizata “Jeta” në Greqi në bashkëpunim me “EGOS” ditën e enjte, në ora 20:00 organizon në platformën online Zoom, një aktivitet sensibilizues në lidhje me dhunën në familje.

“Që nga marsi i vitit 2020, ndërsa rrugët në të gjithë botën zbrazeshin dhe dyert ishin të mbyllura për të luftuar Covid-19, një tjetër pandemi ka parë një rritje eksponenciale: ajo e dhunës ndaj grave. Shpesh e injoruar, e heshtur, madje e toleruar nga shoqëria, dhuna me bazë gjinore përfaqëson një nga shkeljet më të përhapura dhe shkatërruese të të drejtave të njeriut. Çdo vit 243 milionë gra dhe vajza në të gjithë botën raportojnë abuzim me partnerin, ndërsa kufizimet për shkak të Covid-it vetëm e kanë përkeqësuar situatën.
Ka disa veprime konkrete që të gjithë mund të bëjmë për të filluar ndryshimin.
Ngritja e vetëdijes për format e ndryshme të dhunës ndaj grave dhe dhunës në familje është element i rëndësishëm në parandalimin e dhunës ndaj grave, sepse vetëdija e rritur është hapi i parë drejt ndryshimeve të qëndrimeve dhe sjelljeve që nxisin ose lejojnë forma të ndryshme të dhunës ndaj grave. Qëllimi i këtij aktiviteti është të rritet niveli i vetëdijesimit në publikun e gjerë për format e ndryshme të dhunës me të cilat përballen gratë dhe pse është dhunë me baza gjinore. Qëllimi i tij është po ashtu që dhuna në familje në të gjitha manifestimet e saj të kuptohet më gjerë nga të gjithë anëtarët e shoqërisë.
Kjo nënkupton se duhet të merren masa për të bërë të ditur se ekzistojnë forma të dhunës ndaj grave, si dhuna në familje (dhuna psikologjike, fizike dhe seksuale), përndjekja, dhuna seksuale (përfshirë përdhunimet), martesa e detyruar, gjymtimi i organeve gjenitale të grave, sterilizimi i detyruar, aborti i detyruar dhe ngacmimi seksual, dhe të sygjerojë se çfarë mund të bëjnë individët për ta parandaluar atë apo për t’u ndihmuar grave dhe vajzave në rrezik. Po ashtu nënkupton se duhet të hiqet çdo tabu rreth dhunës në familje, se ajo nuk është vetëm çështje private dhe se dhuna në familje prek familjet në të gjitha shtresat e shoqërisë. Natyra gjinore e dhunës në familje si dhunë e burrave ndaj grave në kontekstin e dhunës nga partneri intim duhet të theksohet po aq sa efektet e saj tek fëmijët.

Detyrimet kryesore të mëposhtme në lidhje me nismat e ndërgjegjësimit të cilat duhet:
– të ndërmerren rregullisht, duke pranuar se ky duhet të jetë proces i vazhdueshëm dhe afatgjatë e jo një masë e njëhershme;
– të dizajnohen në mënyrë që të ndihmojnë të gjithë anëtarët e shoqërisë që ta njohin dhunën ndaj grave, të flasin kundër saj dhe të mbështesin viktimat;
– të adresojnë çështjen në një qasje të ndjeshme gjinore, dhe duke përfshirë informacione mbi barazinë midis grave dhe burrave, role gjinore jo stereotipizueseqë thyejnë stereotipet gjinore dhe zgjidhjen pa dhunë të konflikteve;
– të theksojnë pasojat e dëmshme (të drejtpërdrejta dhe të tërthorta) për fëmijët;
– të bashkëpunojnë me shoqërinë civile dhe partnerë të tjerë me përvojë relevante (në veçanti me OJQ-të e grave të specializuara në eliminimin e dhunës ndaj grave)” thuhet në njoftim

Aktivitetin mund ta ndiqni në adresën:

Join Zoom Meeting https://us02web.zoom.us/j/5581489899…

Meeting ID: 558 148 9899
Passcode: Jetaorg

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.