Këngëtarja e mirënjohur greke Glykeria, do të vijë për një koncert në Amfiteatrin e Tiranës. E shoqëruar nga muzikanti shqiptar Dasho Kurti, bashkëpunëtor i saj prej vitesh dhe muzikantë të tjerë, ajo premton një mbrëmje të mrekullueshme dhe surpriza për publikun shqiptar më 15 shtator 2021, ora 20:00.
Në një video për dashamirësit e saj në Shqipëri, Glykeria shprehet kështu:
“Përshëndetje jam Glykeria, në 15 shtator do të jem afër jush në Amfiteatrin e Tiranës për të dëgjuar muzikë të mirë së bashku me mikun tim Dasho Kurtin! Ejani i dhe do të kalojmë një mbremje të mrekullueshme! Mirupafshim në Tiranë”.
Në një intervistë të dhënë pak ditë më parë për “Diaspora Shqiptare” ideatori i këtij koncerti Dasho Kurti tha:Për mua mund të them se ishte një ëndërr që bëhet realitet. E kisha merak që kur bashkëpunoja me Jorgos Dalaras dhe me ndihmën e institucioneve përkatëse greke e shqiptare arritëm të shfaqim për publikun muzikdashës shqiptar atë koncert aq mbresëlënës. Atëherë mendoja sa mirë do ishte të këndonin të gjithë emrat e mëdhenj të pentagramit grek njëzëri me publikun shqiptar. Muzika vetëm bashkon, sjell mirësi, harmoni”.
Ndërsa në profilin e tij në facebook sot shkruan:
“Më në fund në Tiranë me një nga bashkëpunëtoret e mia më të ngushta, këngëtaren e madhe greke Glykeria dhe shumë muzikantë të tjerë.
Pas suksesit që pati te dashamirësit tanë përpunimi dhe interpretimi në shqip i këngës popullore shqiptare “25 gërshetat”, pasoi ftesa për koncert në datën 5 shtator në kryeqytetin shqiptar, e cila padyshim më ngjalli krenari dhe kënaqësi të veçantë.
Shkollimi muzikor në Elbasan dhe bashkëpunimi shumë vjeçar me emra të njohur të skenës dhe industrisë muzikore greke, më gjejnë të gatshëm për të promovuar vlerat tona artistike dhe për të krijuar ura miqësie ndërmjet dy popujve. Për publikun e Tiranës kemi përgatitur mjaft surpriza të bukura të cilat jam i bindur se do të shijohen nga të gjithë të pranishmit”.
Biletat për koncertin e ditës së mërkurë mund ti gjeni teatrit Metropol në Tiranë, ose online ne adresën Myticket.al.
Tel. +355 69 475 1205.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
