Komiteti i Ekspertëve të Greqisë ka deklaruar sot se janë identifikuar 6 rastet e para me variantin e ri MU ((B.1.621) në vend. Paralelisht vijon të jetë tepër e lartë shifra e të infektuarve me variantin Delta, duke arritur në 96.72% të infeksioneve të reja.
Ditën e enjte në Greqi janë shënuar 899 të infektuar të rinj me variantin Delta, nga 2840 të infektuar të rinj me covid-19. Përsa i përket mutacionit të ri MU që u identifikua për herë të parë në Kolumbi dhe ka dhënë një alarm të ri për autoritetet shëndetësore në të gjithë botën, pasi duket se është mjaft rezistentë ndaj vaksinave, të infektuarit ndodhen në këto zona të vendit: Në Atikë (1), Argolida (2), Arta (1) dhe Eleftherios Venizelos (2).
Gjithashtu, komiteti i ekspertëve ka publikuar të dhëna statistikore të periudhës 7 korrik -24 gusht 2021, sipas të cilave në 26,651 kampione për kërkime shkencore janë zgjedhur 959 kampione të rastësishme ndër të cilat 921 raste janë kuruar me variante të covid-19, 899 me variantin Delta dhe 22 me variantin Alpha.
Në Egjeun e Veriut, Epirin dhe Greqinë Qendrore mutacioni Delta gjendet në 100% të rasteve të reja, ndërsa përqindja më e vogël regjistrohet në ishujt e detit Jon (89.80%).
Varianti MU
Zëdhënësi i komitetit të ekspertëve, Gjikas Majorkini ka deklaruar se mutacioni MU është shfaqur për herë të parë në Amerikën e Jugut, në Kolumbi. Majorkini ka shtuar se megjithëse të dhënat e deritanishme nuk janë tepër shqetësuese, nëse një variant i ri prek vendin, pritet vetëm përhapja masive. Ndërkohë që shkencëtarët botërorë bëjnë të ditur se mutacioni kolumbian është mjaft rezistent ndaj çdo vaksine.
Njëkohësisht, epidimiologët dhe mjekët grekë vijojnë me thirrje të vazhdueshme për vaksinimin total të popullsisë nga mosha 12 vjeç, përfshi dhe gratë shtatëzëna apo lehonat.
Vetëm sot në Greqi 33 pacientë humbën jetën nga covid-19, 362 janë në intubim ndërsa u shënuan 2840 raste të reja.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.