Albi Doka ka qenë protagonisti i pafat i ndeshjes së sotme mes Dinamos së Zagrevit dhe Gorica, pjesë e të cilës është edhe futbollisti i përfaqësueses shqiptare. Ish-mbrojtësi i Tiranës, rezultoi vendimtar me një devijim në humbjen 1-0 të skuadrës së tij ndaj kampionëve në fuqi të Kroacisë.

Doka, i rreshtuar si titullar, u përpoq që të ndalonte një harkim të Mubandje para tij, por futbollisti shqiptar përfundoi duke devijuar sferën. Topi mori një harkim të çuditshëm dhe pasi kaloi portierin u ndal në rrjetë për t’i dhënë avantazhin Dinamos së Zagrebit kur regjistrohej minuta e 36 e ndeshjes.

Një moment i pafat, por që rezultoi vendimtar, pasi sfida u mbyll me këtë gol, duke i dhënë suksesin e radhës Dinamos e duke sjellë humbjen e 3-të në 5 ndeshje të luajtura për Goricën në këtë fillim kampionati. / Panorama Sport

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.