Sopranoja e suksesshme Elbenita Kajtazi, do të do të performojë më datë 15 gusht 2021 në një koncert. Eventi muzikor titullohet “Rathausmarkt Open-Air 2” dhe mbahet në sheshin kryesor të qytetit të Hamburg-ut në Gjermani.
Kajtazi interpreton bashkë me artistë të mirënjohur të operës, si Narea Son, Kristina Stanek, Aleksei Palçukov etj.
Elbenita është diplomuar në Universitetin e Prishtinës, ku ka bërë debutimin e saj me Orkestrën Filarmonike të Kosovës në vitin 2009, duke kënduar shumë koncerte gjatë gjithë sezonit.
Ajo ka fituar disa çmime kombëtare dhe ndërkombëtare. Më së fundmi, ajo fitoi çmimin e parë në “2015 Riçardo Zandonai Vocal Competition” në Itali, së bashku me dy çmime të veçanta: një angazhim në Theatro São Pedro në Sao Paolo, Brazil dhe një angazhim në Shtëpinë e Operës Daegu në Korenë e Jugut.
Në vitin 2014 ajo fitoi çmimin e parë “Spiros Argiris” në Festivalin Sarzana, Itali. Në vitin 2012, ajo fitoi çmimin e parë në Festivalin e Këngës së Flamurit dhe Koncertin Ndërkombëtar të Muzikës ARS Kosova 2009.
Ajo gjithashtu mori një bursë në verën e vitit 2013 për të ndjekur Programin Campo d’Oro në Nju Jork.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
