Ambasada rumune në Shqipëri bën të ditur se që nga sot për kalimin e kufijve të shtetit në nivelin e vendeve të BE vetëm certifikata digjitale e vaksinimit do të njihet si dokument që vërteton vaksinimin, keni kaluar sëmundjen apo testin negativ PCR.

Bëhet fjalë për njoftimin e Ministrisë së Jashtme rumune, sipas së cilës kalimi i kufirit mund të bëhet dhe pa këtë certifikatë, por në përputhje me vetë rregullat e karantinës që ka vendosur çdo shtet.

“E rëndësishme, që nga e premjta 13 gusht 2021 për kalimin e kufijve shtetërore, në nivelin e vendeve të BE-së, vetëm certifikata digjitale COVID do të njihet si dokument që vërteton vaksinimin, kalimin e sëmundjes dhe rezultatin negativ të një testi PCR/
Certifikatën COVID-19 për udhëtim në BE mund të shkarkohen nga portali https://certificat-covid.gov.ro/
Kalimi i kufijve është i mundur dhe pa ekzistencën e këtyre certifikatave, por në përputhje me rregullat kombëtare të karantinës së secilit shtet”, thuhet në njoftim.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.