Myftiu i Shkodrës, Imam Muhamed B. Sytari, priti në një takim të përzemërt, imamin e Xhamisë Shqiptare në Toronto të Kanadasë, të nderuarin Adnan Bërbatovci. “Gjatë takimit dy bashkëbiseduesit ndanë përvojat dhe vizionet e tyre në drejtim të bashkëpunimit dhe zhvillimit të mëtejshëm të Thirrjes Islame, sidomos në trojet tona dhe tek shqiptarët, kudo qofshin. Myftiu e njohu mikun e mirë me historinë e aktivitetit të kësaj qendre në Shkodër, sidomos gjatë shekullit të shkuar, deri në ditët tona, sikurse e prezantoi edhe aktivktetin botues të Myftinisë së Shkodrës, me ç’rast i dhuroi atij edhe disa botime personale dhe disa nga titujt e botuar nga Myftinia e Shkodrës”- thuhet në njoftimin e postuar në Facebook nga udhëheqësi musliman i qytetit të Shkodrës. Me rastin e kësaj vizite, Myftiu Sytari i dorëzoi imamit të Xhamisë Shqiptare në Toronto, një Certifikatë Mirënjohjeje për kontributin e dhënë në bashkimin e komunititetit shqiptar në Kanada. Imami Bërbatovci prej disa vitesh shërben në konunitetin shqiptar në Kanada, dhe ka bashkëpunuar me shoqatat kryesore të komunitetit shqiptar në krahinën e Ontarios, me qëllim të ruajtjes së gjuhës dhe traditës shqiptare.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.