Ministri i Shtetit për Diasporën Pandeli Majko ishte pjesë e kortezhit që priti dhe përcolli trupat e viktimave të aksidentit tragjik në Kroaci.
Në Morinë u zhvillua ceremonia homazh në nderim të tyre, të cilët ishin nisur nga Gjermania drejt Kosovës me mall për vendlindjen. Tashmë ata do të prehen në banesën e fundit atje.
Lexo edhe- Arrijnë në Morinë trupat e pajetë të viktimave të aksidentit tragjik në Kroaci
Sakaq, mbrëmjen e të martës në Aeroportin Ndërkombëtar të Prishtinës arritën 21 nga të mbijetuarit e aksidentit që janë në gjendje më të mirë shëndetësore.
Ngjarja e rëndë ndodhi mëngjesin e 25 korrikut, teksa autobusi i linjës Frankfurt-Prishtinë u aksidentua në afërsi Slavonski Brod të Kroacisë, afër kufirit me Bosnjen. Aktualisht, shoferi i autobusit është lënë në burg 30-ditor deri në përfundim të hetimeve, teksa shkak dyshohet përgjumja e tij.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.