Blerim Sefa është shqiptari që po ndjek ëndrrën e tij amerikane e që e bëri shumë shpejt realitet falë këmbënguljes së tij, zgjuarsisë dhe etikës së fortë në punë.
Ai u bë shtetas i SHBA-ve në qershor dhe tashmë punon si kadet policie për të dy departamentet në Milford dhe Novi me dëshirën për tu bërë oficer policie me kohë të plotë.
Për Blerimin 28-vjeçar ka qenë një rrugë e gjatë, pasi (aktualisht banori i Farmington Hills) u largua nga Tirana në 2015-tën duke menduar se do të vijonte të përpiqej për tu bërë inxhinier mekanik.
Ishte në të 20-tat atëherë dhe e ndihmoi një i afërm i tij në West Bloomfield Township duke i gjetur një punë. Sefa e kaloi me sukses dhe testimin e patentës së shoferit.
I ardhur nga një vend si Shqipëria, që Amerikën e konsideron vendin e mundësive, ishte gati të kthehej në bankat e shkollës, derisa një përfaqësues i kolegjit i tha se duhet të fliste me të për tarifat e shkollimit.
“Nuk e dija që duhej të paguaje për shkollë këtu. Dukesha sikur thosha: ‘Për çfarë është kjo”. Isha pak i tronditur. Nuk e prisja këtë në Amerikë. Ishte një ditë pak e keqe për mua”, tregon ai.
Por ai u përqëndrua më shumë tek mundësitë sesa të pengesat. Kështu, vazhdoi të punonte sa të mundte. Mbajti kontaktet me familjen e tij dhe vajzën shqiptare që do të bëhej gruaja e tij.
Kur mundi të regjistrohej në Kolegj Blerimi mbante mend një oficer policie në Metronë e Detroitit që e ndaloi për shpejtësi kur sapo kishte marr patentën. Ai u tregua i sinqertë lidhur me hutimin për kufirin e shpejtësisë. Oficeri i ktheu lejen e drejtimit dhe i dha një paralajmërim me gojë teksa e pyeti nëse kishte nevojë për ndihmë me udhëzimet. “Ai ishte me të vërtetë shumë i mirë. Kjo sjellje e tij më la vërtetë një përshtypje të mirë. Unë dua të jem si ai zotëri”, rrëfen 28-vjeçari.
Pikërisht takimi i tyre e nxiti Sefan të shihte punën e policit si profesion. Sakaq, në vjeshtë të 2016 Blerimi nisi mësimin në Oakland Communiy College dhe u regjistruar në një klasë për drejtësi penale. Ishte student i mirë në Shqipëri dhe po ashtu vijoi dhe në SHBA.
Një ushtrim në klasë e çoi atë si kadet me Departamentin e Policisë në Milford. Mendoi se nuk do e fitonte pasi nuk ishte ende shtetas i SHBA, por aplikoi dhe pas intervistës e thirrën dhe i thanë se departamenti ishte i interesuar për të. Ai telefonoi menjëherë të afërmit në Shqipëri duke u thënë se nuk i besohej që e punësuan pasi nuk ishte as qytetar amerikan.
Blerimi u largua nga Shqipëria pasi fitoi lotarinë. Për tu bërë një kadet policie ai duhej të kalonte një test droge dhe kontrollet shëndetësore.
Dita e tij e parë në departament ishte në fillim të 2019-tës, vetëm disa muaj para se të merrte diplomën e tij. 28-vjeçari shqiptar është një nga punonjësit civilë më të gjatë në departament.
Sefa nuk ka ditur absolutisht asgjë për Milford përveçse familjes së Departamentit të policisë Milford që gjithmonë do të ketë një vend të veçantë në zemrën e tij për shkak të asaj se sa përkrahës dhe mikpritës kanë qenë kolegët e tij. Ai ka punuar përmes dallimeve gjuhësore dhe kulturore për të vazhduar përpjekjet me mbështetjen e departamentit.
Ai u bë një kadet i policisë në Novi në janar 2020 dhe mori një diplomë bachelor nga Universiteti Shtetëror i Ferris në fund të vitit të kaluar. Pandemia vonoi shtetësinë e tij, por ai e ka atë status tani.
Sefa shpreson të hyjë në akademinë e policisë në vjeshtë. Ai do të dëshironte të punonte për një departament lokal të policisë ose një agjenci federale.
“Në mendjen time është vija e finishit, jo aty ku jam aktualisht”, tha Sefa, i cili po pret lëvizjen e gruas së tij në Shtetet e Bashkuara këtë verë. “Thjesht do të vijoj të shoh përpara, gjithashtu do të vazhdoj të punoj shumë. Kam punuar dy, tre punë – ndonjëherë katër duke përfshirë DoorDash, Uber, punën time të ndërtimit, punën time në restorant. E arrita. Unë jam disa muaj larg nga të qenit përfundimisht në punën time të ëndrrave.
Si shumë burra dhe gra që hyjnë në fushën e policisë, Sefa pëlqen të ndihmojë njerëzit. Ai gjithashtu flet spanjisht./ Përgatiti Anisa Braho
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
