Një mundësi bashkëpunimi për librat dygjuhësh dhe në gjuhën maqedonase është diskutuar mes drejtoreshës së Qendrës së Botimeve për Diasporën Mimoza Hysa me drejtorin e Agjencisë së Zbatimit të Gjuhës së Republikës së Maqedonisë së Veriut, Ylber Sela.

Sela prezantoi punën e Agjencisë që drejton dhe paraqiti projektet në zhvillim për mbrojtjen dhe promovimin e gjuhës shqipe si në Maqedoni ashtu dhe në diasporë, duke ftuar njëkohësisht Qendrën e Botimeve për Diasporën për bashkëpunim dhe koordinim të projekteve të përbashkëta.

Drejtoresha Hysa i paraqiti gjithashtu punën e QBD-së dhe sidomos të programit të botimeve dygjuhëshe, duke u ndalur në botimin e fundit të “Tregimeve të moçme shqiptare” të Kutelit.

Drejtuesit e dy institucioneve që kanë në fokus mbrojtjen dhe përhapjen e gjuhës shqipe premtuan vijimin e bisedimeve për bashkërendimin e projekteve në të ardhmen.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.