Rektori i universitetit të Gjakovës “Fehmi Agani” ndodhet në Kroaci me ftesë të homologut të tij të Universitetit të Zagrebit.
Gjatë vizitës, rektori Prof. Ass. Dr. Artan Nimani bashkë me Prof. Ass. Dr. Laura Naka Prorektore për zhvillim akademik dhe ngritje të cilësisë dhe Mr. sc. Denis Spahija nga Zyra për marrëdhënje me jashtë, vizituan Qendrën Kulturore Shqiptare ne Zagreb.
Ata u priten nga sekretari i Unionit Shqiptarë në Republikën e Kroacisë z. Driton Binaj, kryetari i SHKA “Shkëndija” z. Behar Mullajupi, anëtarët e kryesisë se Shoqatës “Hasi” z. Shani Muhadri, z. Agim Muhadri dhe nënkryetari i organizatës “Rinia shqiptare në Kroaci” z. Lucian Lekaj.
Rektori njohu të pranishmit nga afër për punën dhe të arriturat e UGj “Fehmi Agani” përmes metodave bashkëkohore të mësimdhënies ne Fakultetin e Edukimit me programet Parashkollor dhe Fillor, Fakultetin e Mjekësisë me programet Infermieri dhe Mami dhe Fakultetin e Filologjisë me programet Gjuhë Shqipe dhe Gjuhë dhe Letërsi angleze të gjitha këto programe të akredituara nga institucionet përkatëse të Kosovës, ndër të tjera ata theksuan se Kroacia është vend mik i Kosovës dhe një prej vendeve ku e kemi mërgatën më të organizuar.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
