Violonçelisti Redi Hasa, i cili jeton dhe ushtron aktivitetin e tij në Itali, do të performojë sot më 14 korrik në “Biblioteca Archimede” të qytetit të Torinos.
Lexo edhe- Një violinçel i vjedhur më çoi në pragun e Oscar
Muzikanti shqiptar sjell për publikun, projektin e tij më të ri me titull “The stolen cello”, ku do të interpretojë bashkë me artistët Roko Nigro, Marko Skiavone dhe Kristian Musio. Ai është prej 12 vitesh pjesë e bandës muzikore të Ludoviko Enaud-it dhe ka performuar kolonën zanore të filmit “Nomadland”, fitues i çmimit Oskar.
Redi Hasa (1977) lind në një familje muzikantësh në Tiranë. Rrugëtimin me violonçelin e ka nis në moshën 7-vjeçare, në shkollën e muzikës “Kongresi i Përmetit” në Tiranë. Është larguar nga Shqipëria në vitin 1998 për të ndjekur studimet në Leçe të Italisë. Ka bashkëpunuar me këngëtaren italiane Maria Marzotta, edhe prej shumë kohësh bashkëpunon me kompozitorin dhe pianistin me famë botërore Ludovico Einaudi, rokerin Robert Plant dhe Led Zeppelin.
Lexo edhe- Redi Hasa, violinçelisti shqiptar që mori pjesë në OSCAR
Bashkëpunimet e tij janë të shumta, si me Officina Zoè, Xanti Yaca, Orkestra Salento, Manigold, Adria, Band Adriatica, Admir Shkurtaj Trio, “L’Orchestra Popolare Italiana”, duke bashkëpunuar me artistë si Mbreti Naat Veliov, Orkestra e Koçanëve, Ambrogio Sparagna, Claudio Prima, Emanuele Coluçia, Eva Quartet, Enzo Pagliara dhe shumë të tjerë.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
