Drejtoresha e Drejtorisë së Diasporës, Znj. Klaudia Hasanllari dhe përfaqësues të sektorit të Diasporës dhe projekteve në Agjencinë Kombëtare të Diasporës zhvilluan një takim me Sekretaren e Përgjithshme të Ministrisë për Punët e Brendshme në Kosovë dhe përfaqësues të Departamentit për Ri-integrimin e Personave të Riatdhesuar në Kosovë.
Ky takim synon shkëmbimin e përvojave mbi strukturat përgjegjëse për migracionin, Diasporën dhe koordinimin me pushtetin vendor.
“Ky takim shërben në forcimin e urave lidhëse të bashkëpunimit institucional dhe do të jetë në vazhdimësi”,- u shpreh Sekretarja e Përgjithshme e Ministrisë për Punët e Brendshme në Republikën e Kosovës, znj. Fahrije Tërnava.
Integrimi i Diasporës në jetën sociale, kulturore dhe ekonomike të vendit është prioritet i Agjencisë Kombëtare të Diasporës dhe shkëmbimi i përvojave të suksesshme është një mundësi për të çuar më tej këtë proces.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.