Sopranoja e mirënjohur Elbenita Kajtazi, do të performojë në “Konzerthaus” të Berlin-it për herë të parë më 1 shtator.

Artistja shqiptare do të jetë në rolin e personazhit Rita, në veprën komike “Dy burra dhe një grua“ të kompozitorit italian Gaetano Doniceti. Kajtazi vazhdon me angazhimet e saj artistike, në skena të ndryshme evropiane.

Së fundmi edhe BBC i ka kushtuar një artikull suksesit të Elbenitës, e cila shkëlqeu me performancën e saj në skenën botërore të konkursit të këngës në “BBC Cardiff Singer of the ëorld”, ku ajo për herë të parë në histori ka prezantuar Kosovën me një repertor të larmishëm të veprave botërore dhe shqiptare.

Kujtojmë se Elbenita ka vendosur që të merr pjesë në dy kategori, në atë të këngës dhe operës pasi që konkursi “BBC Cardiff Singers of the World” është garë e dyfishtë.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.