Violinisti Kledis Rexho i cili prej 12 vitesh jeton në Francë, sapo ka publikuar projektin e tij më të fundit në kanalin “Youtube”, ku interpreton në violinë, i shoqëruar nga sopranoja franko-amerikane, Emilie Rose Bry “Margjelo-n” e Prenk Jakovës.
Interpretimi është realizuar në gjuhën shqipe dhe frëngjisht pranë kullës Eiffel në Paris. Ky interpretim i shtohet punëve në kuadër të projektit “Life and Music Concept” të violinistit njohur Kledis Rexho.
Lexo edhe: Francë/ Violinisti i njohur shqiptar: Nuk duhet të harrojmë se nga vijmë
“Life and Music Concept” është projekti mbi të cilin Kledis Rexho po punon momentalisht. Një projekt që synon të nxisë krijimin e urave të bashkpunimit ndërmjet institucioneve universitare dhe para-universitare të artit, të Francës, Shqipërisë dhe vendeve te tjera në një kohë të dytë./Diasporashqiptare.al/
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.