Sopranoja e njohur Marigona Qerkezi, do të performojë në koncertin “Pozzallo all’ Opera nel Mondo”, i cili organizohet në Siçili. Ky event, mbahet më datë 1 gusht, me rastin e kremtimit të 160 vjetorit të bashkimit të Italisë.
Artistja shqiptare shprehet mjaft e gëzuar që është pjesë e këtij organizimi: “Jam shumë e lumtur dhe e nderuar të performoj në Gala Koncertin “Pozzallo all’Opera nel Mondo” në Siçili, me artistë të mrekullueshëm”, – citon Qerkezi në rrjete sociale.
Ky event zhvillohet me dëshirën e plotë të kryetarit të bashkisë Roberto Ammatuna dhe këshilltari për kulturën Giuseppe Privitera. Ky edicion i tretë përfshin disa nga artistët më të mëdhenj të skenës ndërkombëtare të operës.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.