Dy grupe me rreth 50 shtetas italian do të vizitojnë vendet turistike të Shqipërisë nga data 1 deri më 11 Korrik 2021. Projekti synon të kontribuojë në rritjen e numrit dhe cilësinë të përfituesve të markës etike “Made with Italy” duke kapitalizuar njohuritë e Diasporës shqiptare në Itali në turizmin social të përgjegjshëm dhe të qëndrueshëm.
Guida turistike do të fokusohet më shumë në komunitetet lokale shqiptare në Përmet, Gjirokastër, Këlcyrë, Butrint dhe zonat përreth si pjesë e “Naima – Tour”.
Ky projekt i financuar dhe “IOM Albania” përmes mbështetjes financiare të “AICS Tirana” zbatohet nga “Naim-a Foundation” dhe “Shoqata Arbëreshe në Itali” në partneritet me Cesvi Onlus (oraganizatë Italiane).
Nga 1-5 korrik do të përfshihen 6 grupe tematike, të përbërë nga 8 persona për secilin grup të përqendruar në agroturizëm, trekking, produkte lokale dhe zhvillimin e zonave rurale. Nga 6 deri më 11 korrik 2021, do të jetë grupi arkeologjik dhe i trashëgimisë kulturore, me profesorë nga Universiteti i Bolonjës.
Projekti “Naima – Tour” vjen si një përpjekje shtesë për të kontribuar në zhvillimin lokal përmes turizmit dhe aktiviteteve të trashëgimisë kulturore, sipas rezultateve të librit “Pesë Fshatrat” – Udhëzime për një zhvillim të qëndrueshëm të turizmit përmes përmirësimit të trashëgimisë kulturore.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
