Fondi Shqiptar për Zhvillimin e Diasporës dhe Dhoma e Biznesit e Diasporës Shqiptare organizon “Samiti i Grave të Biznesit” më 8 korrik 2021.
Ky aktivitet do të organizohet në dy seanca: “Lidershipi i gruas në Biznes” dhe “Sfidat e Gruas Sipermarrëse të Diasporës në Situatë Pandemie”.
Takim do të bëjë bashkë, gra sipërmarrëse të Diasporës shqiptare dhe të vendit tonë, profesioniste të reja, gra akademike dhe eksperte në fushën e biznesit, përfaqësues të institucioneve shtetërore, si dhe të organizatave ndërkombëtare, veçanërisht ato të cilat në programet e tyre kanë zhvilluar objektiva, lidhur me gratë dhe zhvillimin e tyre në fushën e biznesit dhe sipërmarrjes.
Ky samit synon prezantimin e sfidave gjatë periudhës së pandemisë, përvojave dhe modeleve të suksesshme të grave sipërmarrëse. Gjithashtu dhe mundësitë e investimeve të reja si dhe krijimin e rrjetëzimit dhe nxitjen e bashkëpunimit mes tyre.
Hapja e aktivitetit do të bëhet nga Ardian Lekaj, kreu i Dhomës së Biznesit të Diasporës dhe në panel do të jenë ministri i Shtetit për Diasporën, Pandeli Majko, ministrja e Financave dhe Ekonomisë, Anila Denaj dhe ministri i Shtetit për Mbrojtjen dhe Sipërmarrjen, Eduard Shalsi.
Agjenda paraqitet më poshtë:
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.