Me moton “Origjina është e ardhmja” Dhoma e Biznesit të Diasporës ka lançuar ditën e sotme projektin “Rënjët e mia”. Një platformë online e cila mundëson një hapësirë virtuale të përbashkët për evidentimin dhe promovimin e traditës, zejev në rrezik dhe veprave të tjera me bazë krijimtarinë tradicionale.
“Kjo hapësirë do të jetë një panair virtual ku sipërmarrësit artizanal, individë që merren me krijimtarinë popullore, edhe krijimtaritë artizanale të përcjella në formë bashkëkohore. mund të ekspozojnë punimet e tyre.
Tjetër qëllim I platformës është krijimi i infrastrukturës teknologjikë të përshtatshme per komunikimin e sipërmarrësve dhe krijuesve artizanal” shpjegon për “Diaspora Shqiptare, drejtori Ekzekutiv i Dhomës së Biznesit të Diasporës, Durim Tabaku.
Si funksionon Rrënjët e mia
Ju mund të anëtarësoheni dhe krijoni llogarinë tuaj në rrenjetemia.al dhe portofoli juaj do të bëhet pjesë integrale e panairit virtual “Rrënjët e mia-Kulturë 360”.
Aktivitete si panairi virtual “Rrënjët e mia-Kulturë 360” apo krijimi i markës “Rrënjët e mia”, si përfaqësuese e artit tradicional kanë si qëllim të minimizojnë dhe të zbehin distancat fizike të krijuara në kushtet e pandemisë Covid-19, të gjallërojnë krijimtarinë artistike, kryesisht atë tradicionale, të krijojnë një mjedis promovues dhe bashkëpunues midis bizneseve të artizanatit vendas dhe atyre në diasporë, të evidentojnë fuqinë e artizanatit shqiptar për të sfiduar kohën dhe ruajtur origjinalitetin pavarësisht rrethanave si edhe të nxisin përfshirjen e brezave të rinj në kultivimin dhe ruajtjen e vlerave tradicionale të origjinës së tyre përtej kufijve gjeografikë.
Dhoma e Biznesit të Diasporës fton të gjithë artizanët vendas dhe ata në Diasporë, të cilët kanë trashëguar, ruajtur, kultivuar artistikisht zanatin nga vendi i origjinës dhe mbartur atë edhe në shoqëritë pritëse ku ata jetojnë, të bëhen pjesë aktive e këtij projekti duke u anëtarësuar dhe krijuar profilet individuale me hapësirën promocionale, dedikuar shpalosjes së vlerave të krijimtarisë së tyre artistike tradicionale”, thotë për diaspora Shqiptare drejtori Ekzekutiv i dhomës së Biznesit të Diasporës, Durim Tabaku.
Vizitoni platformën rrenjetemia.al për më shumë informacion dhe bëhuni pjesë aktive e rrjetit më të ri të promovimit të artizanatit tradicional shqiptar.
Projekti “Rrënjët e mia-Kulturë 360”, është realizohet si bashkëfinancim i Ministrisë së Kulturës së Republikës së Shqipërisë me Dhomën e Biznesit të Diasporës.
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.
