Kuvendi i ka dhënën dritën jeshile nisjes së procedurave për mundësimin e votimit të shtetasve shqiptarë që banojnë jashtë vendit. Në seancën parlamentare të ditës së sotme pas raportimit në parlament të kreut të KQZ Ilirjan Celibashi kuvendi miratoi me 86 vota pro, 5 kundër dhe 6 abstenim rezolutën “Për vlerësimin e veprimtarisë së komisionit qendror të zgjedhjeve për vitin 2020”.
Lexo edhe: Vota e Diasporës/ Celibashi: Dështim i KQZ, 5 mijë shqiptarë u regjistruan për..
Kuvendi duke vlerësuar punën për zgjedhjet parlamentare të 2021 i kërkon KQZ të angazhohet në nisjen e procedurave mbi udhëheqjen dhe mbikëqyrjen e procesit për përgatitjen e kushteve dhe zbatimin e masave që mundësojnë votimin nga jashtë vendit.
Në pikën 4 të rezolutës theksohet:
“KQZ të vijojë procedurat mbi udhëheqjen dhe mbikëqyrjen e procesit për përgatitjen e kushteve dhe zbatimin e masave që mundësojnë votimin nga jashtë vendit në zgjedhjet për Kuvendin në zbatim të nenit 24 të Kodit Zgjedhor, të ndryshuar, si dhe nenit 20 pika “ç” të Kodit Zgjedhor, të ndryshuar, “Zhvillimin për herë të parë të votimit nga jashtë vendit, mbështetur në raportimin e Komisionerit për plotësimin e masave tekniko-organizative që mundësojnë votimin.”
Rezoluta e plotë klikoni këtu
Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.