Zv/ministri i Mbrojtjes për Trajtimin e Krizave, Nikos Chardalias, ka deklaruar sot pasdite se me rënien e ndjeshme të të infektuarve dhe ngarkesës virale, ka ardhur koha për të lënë pas mbetjet e karantinës.

Konkretisht:

Nga nesër, e enjte, ora 05.00 hiqet përdorimi i detyrueshëm i maskës. Maska mbetet e detyrueshme në ambiente të brendshme dhe në ambiente të jashtme me fluks të madh njerëzish

Gjithashtu nga e hëna, 28 qershor nuk do të ketë më orar policor apo ndalim qarkullimi.

-të vaksinuarit nuk do jenë të detyruar të paraqesin self rapid test në punë, 15 ditë pas vaksinimit.

-Lejohen 10 veta në tavolinë nga 6, në restorante, kafe

-Lejohen deri në 300 veta në ceremoni festive familjare

-Lejohen 120 persona në 1000 m në plazhet e organizuara.

Në Greqi javët e fundit vihet re një rënie drastike e të infektuarve, me të prekur aktivë nën 4000 persona. Gjithashtu,  është ulur ndjeshëm mosha e pacientëve në kurim, rreth 35 vjeçar që nuk janë vaksinuar akoma.

Sot u deklaruan 520 të infektuar, 14 pacientë humbën jetën dhe 271 janë në intubim.  Gjithsej, në Greqi janë prekur 419.455 persona dhe kanë humbur jetën 12.595 njerëz.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.