Një tjetër çelës i artistit shqiptar Alfred Mirashi do të vendoset në Avellino, Itali. Një ditë më parë kanë nisur instalacionet  për “Çelësin e Montevergine” në Avellino.

Skulptura madhështore, e porositur nga Presidenti i Provincës Domenico Biancardi, do të pozicionohet në rrethrrotullimin Mercogliano, në daljen e autostradës Avellino-Ovest. Vepra, 40 metra e lartë, u bë prej çeliku Corten, nën drejtimin artistik të Michele Stanzione.

Sipas media lokale avellinotoday.it për të përfunduar instalimin do të duhen të paktën njëzet ditë.

Lexo edhe: Itali/ Miloti, artisti që po lë “gjurmë” ndërkombëtare me çelësin e tij

Artisti Milot, presidenti Doemnico Biancardi dhe kryetari i bashkisë së Mercogliano Vittorio D ‘Alessio priten nesër në sheshin e ndërtimit.

Artisti italo-shqiptar Alfred Mirashi, i njohur me emrin e artit Milot ka treguar edhe në intervista të mëparshme ka zgjedhur këtë objekt, pasi çelësi, si objekt, ka qëllimin e “hapjes”, dhe për këtë arsye përfaqëson mjetin për të gjetur “rrugën” e duhur për çdo qenie njerëzore.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.