Oda Ekonomike e Britanisë në Kosovë po ofron përkrahje të vazhdueshme për institucionet dhe bizneset kosovare, duke realizuar projekte të shumta në fusha nga më të ndryshmet.

Programi i bursave, fuqizimi i grave në biznes, një samit financiar janë vetëm disa prej fushave ky synon të kontribuojë.

“Ne do të realizojmë programin e bursave, i cili do të na lejojë të punojmë me univeresitetet dhe kolegjet e Kosovës, jo domosdoshmërisht vetëm në Prishtinë, që të sjellim në Britani disa nga mendjet e ndritura, që të bëhen pjesë e edukimit të ndonjë nga universitetet në Britani. Dhe nëse arrijmë këtë, atëherë do të arrijmë të zgjerojmë mundësitë e të nesërmes në Kosovë”, tha Mariano Anthony Davies, kryetari i Odës Ekonomike të Britanisë në Kosovë për KosovaPress.

Kjo odë, ndër të tjerash, përmes Kosovës synon që të sjellë në Ballkanin Perëndimor praktikat më të mira të të bërit biznes.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.