Arban Domi, Drejtuesi i Departamentit të Zhvillimit të Vaksinave pranë kompanisë “Geovax” i ftuar në një lidhje skype foli për kombinimin e dozave të vaksinave. Sipas ekspertit Domi vaksinat mund të kombinohet, por efikasitet do te ketë vetëm nëse doza e dytë do të jetë Phizer ose Moderna.

“Është hera e parë që lejohen kombinimet e vaksinave, por elementi bazë në këtë rast është i thjeshtë, e para që duhet të përmend është se vaksina e dytë duhet të jetë më efikase se vaksina e parë e përdorur dhe për mendimin tim dhe shumë specialistëve doza e dytë duhet të jetë gjithmonë Phizer ose Moderna, sepse deri më tani këto dy vaksina janë më efikase. Nuk ka asnjë vlerë nëse përdor vaksinën ruse ose kineze mbrapa, duhet të jetë një vaksinë me efikasitet të lartë. Dy vaksinat Phizer dhe Moderna kanë elementë të ngjashëm ndaj mund të kombinohen shumë lehtë”, shprehet eksperti Domi për “Wake Up”.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.