Prestigjiozia italiane Repubbica.it i ka kushtuar një shkrim ciftit shqiptar Kreshnik dhe Irena Kapxhiu, të cilët kanë krijuar një piceri lëvizëse. Ata kanë vendosur furrën me dru në një furgon dhe lëvizin me biznesin e tyre.

Pyetja më e shpeshtë që i bëjnë klientët të tërhequr nga ajo piceri me rrota është: “A jeni këtu çdo ditë?”. Furrë druri, përvoja dhe hapësira të hapura: kështu lindi përvoja e Kreshnik “Niko” Kapxhiut dhe gruas së tij Irena, i cila ndërthuri ushqimin e rrugës me picën, duke krijuar “Al gourmet On the Road”.

Shtatëmbëdhjetë vjet më parë Kapxhiu dhe vëllezërit e tij hapën picerinë e tyre të parë në rrethin Japigia të Bari, pastaj blenë një tjetër para se ta shisnin. Dhe për rreth dy vjet ata kanë krijuar një version celular me të cilin arrijnë në rrethet e qytetit ose partitë private.

“Bashkë me vëllezërit kemi hapur disa piceri, më pas gjatë një udhëtimi në Britani pash se sa i përhapur ishte ushqimi i rrugës dhe aty menduam të krijojmë dicka të ngjashme. Njerëzit e vlerësojnë punën tonë dhe na kërkojnë”, shprehet Kreshniku për Repubblica.

Banorët, të intriguar, filluan t’i kontaktojnë ata për t’i pasur gjithnjë e më shpesh në lagjet e tyre. Dhe gojë më gojë, së bashku me mbrëmjet e para të bukura para verës, e ka shndërruar një eksperiment në një trend autentik.

“Përvecc picave që janë të mira mendoj se na kërkojnë edhe për ngrohtësinë, sepse italianët na thonë shpesh që ju shqiptarët jeni shumë të komunikueshëm dhe puntore”, shprehet Irena Kapxhiu.

Për t’u bërë pjesë e grupit të “Gazeta Diaspora Shqiptare” mjafton të klikoni: Join Group dhe kërkesa do t’ju aprovohet menjëherë.